ព័ត៌មានជាតិ

ប្រជុំត្រួតពិនិត្យត្រៀមរៀបចំទិវាអន្តរជាតិប្រយុទ្ធប្រឆាំងគ្រឿងញៀន និងពិធីដុតបំផ្លាញគ្រឿងញៀន

ខេត្តស្វាយរៀង ៖ នាព្រឹកថ្ងៃសុក្រ ១១កើត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៣១ ខែកក្កដា ឆ្នាំ២០២០ ឯកឧត្ដម តូច ប៉ូលីវ៉ា អភិបាលរងខេត្ត ជាប្រធានលេខាធិការដ្ឋានគណៈកម្មាធិការត្រួតពិនិត្យគ្រឿងញៀនខេត្ត និងជាអនុប្រធានគណៈកម្មការវេចខ្ចប់ និងបំផ្លាញគ្រឿងញៀនថ្នាក់ខេត្ត តំណាងឯកឧត្ដមអភិបាលខេត្ត បានអញ្ជើញដឹកនាំកិច្ចប្រជុំត្រួតពិនិត្យការងាររៀបចំទិវាអន្តរជាតិប្រយុទ្ធប្រឆាំងគ្រឿងញៀន និងពិធីដុតបំផ្លាញគ្រឿងញៀនក្នុងថ្ងៃទិវាអន្តរជាតិប្រយុទ្ធប្រឆាំងគ្រឿងញៀនតាមអំណាចសាលក្រម សាលដីកា និងសេចក្ដីសំរេចរបស់សាលាដំបូងខេត្តចំនួន៤ រួមមានខេត្តស្វាយរៀង ខេត្តព្រៃវែង ខេត្តត្បូងឃ្មុំ និងខេត្តកំពង់ចាម នៅសាលប្រជុំ VIP ព្រៃបាសាក់ និងបានអញ្ជើញដឹកនាំក្រុមការងារចុះពិនិត្យទីតាំងសម្រាប់រៀបចំនៅទីបញ្ជាការដ្ឋានកងរាជអាវុធហត្ថខេត្ត។

ដោយមានការចូលរួមពីលោកនាយករងរដ្ឋបាលសាលាខេត្ត លោកវរ:សេនីយ៍មេបញ្ជាការរងកងរាជអាវុធហត្ថ លោកវរៈសេនីយ៍តំណាងស្នងការដ្ឋាន លោកប្រធានលេខាធិការដ្ឋានសាលាដំបូងខេត្ត លោកប្រធាន អនុប្រធានមន្ទីរពាក់ព័ន្ធ លោកនាយករងទីចាត់ការហិរញ្ញវត្ថុសាលាខេត្ត លោកនាយកទីចាត់ការរដ្ឋបាល តំណាងទីចាត់ការអន្តរវិស័យសាលាខេត្ត ទីចាត់ការធនធានមនុស្ស៕

adm

Leave a Reply

Your email address will not be published. Required fields are marked *