ព័ត៌មានជាតិ

ឧត្តមសេនីយ៍ឯក​ ស​ ថេត​ បង្ហាញចក្ខុវិស័យ​៩ចំណុច​ក្នុងនាមជា​អគ្គស្នងការរង​ និងជាស្នងការនគរបាលរាជធានីភ្នំពេញ

ភ្នំពេញ ៖ ឧត្តមសេនីយ៍ឯក​ ស​ ថេត ​ក្នុងនាមជា​អគ្គស្នងការរង​ និងជាស្នងការនគរបាលរាជធានីភ្នំពេញតាមរយៈបណ្តាញសង្គមនាព្រឹកថ្ងៃទី១២ ខែសីហា ឆ្នាំ២០២០នេះបានបង្ហាញនូវចក្ខុវិស័យ​ ៩ចំណុច​រួមានមាន ៖

១.​ ពង្រឹងមន្ត្រីទាំងអស់គោរពឲ្យបានល្អនូវបទបញ្ជា​ និង​ វិន័យកងកម្លាំងនគរបាលជាតិ​ ត្រូវមានសីលធម៌ល្អ​ ត្រូវស្លៀកពាក់ឲ្យបានត្រឹមត្រូវ​ និងកាត់សក់ខ្លីជានិច្ច

២.​ ពង្រឹងការហ្វឹកហាត់​ និងការបណ្តុះបណ្តាលជំនាញជាប្រចាំដល់មន្ត្រីដើម្បីស្របតាមការរីកចម្រើន​ និងងាយស្រួលយកទៅអនុវត្តការងារប្រចាំថ្ងៃឲ្យបានកាន់តែល្អ​ប្រសើរ។

៣.​ រៀបចំសាងសង់អគារស្នងការថ្មី​ ប្រកបដោយគុណភាពខ្ពស់​ បំពាក់ដោយបច្ចេកទេសទំនើប​ សម្រាប់មន្ត្រីទាំងអស់ងាយស្រួលក្នុងការបំពេញភារកិច្ច ប្រកបដោយប្រសិទ្ធភាពខ្ពស់​ ជាមួយនិងអនាម័យ​ស្អាត​ និងបរិស្ថានល្អ។​

៤.​ រៀបចំកាត់សម្លៀកបំពាក់ដល់កងកម្លាំងដើម្បីស្លៀកពាក់ឲ្យបានស្អាតស្រុះគ្នា​ និងជាគំរូដ៏ល្អសម្រាប់នគរបាលជាតិ​។

៥.​ បំពាក់សម្ភារៈ និងមធ្យោបាយឲ្យបានគ្រប់គ្រាន់សម្រាប់កងកម្លាំងដើម្បីងាយស្រួលក្នុងការបម្រើប្រជាពលដ្ឋ​ ធានាការពារឲ្យបានសុខសុវត្ថិភាពជូនប្រជាលរដ្ឋ​ ជាពិសេសផ្តល់សេវាជូនប្រជាពលរដ្ឋឲ្យបានល្អ​។

៦.​ រៀបចំសាងសង់អគារស្នាក់នៅ​ និងអាហារដ្ឋាន​ សម្រាប់ផ្តល់ភាពងាយស្រួលដល់កម្លាំងអន្តរាគមន៍ក្នុងការប្រចាំការ​ ២៤ម៉ោងលើ២៤ម៉ោង​ និងរៀបចំសាងសង់ឃ្លាំងថ្មីដែលមានលក្ខណៈស្តង់ដា​ សម្រាប់ដាក់សម្ភារៈ​ផ្សេងៗ​ ធានាឲ្យបានការប្រើប្រាស់បានយូរអង្វែង​។

៧.​ រៀបចំសាងសង់សាលប្រជុំធំដែលមានលក្ខណៈស្តង់ដាទំនើប​ ប្រកបដោយគុណភាពខ្ពស់​ និងបំពាក់ដោយបច្ចេកវិទ្យាទំនើប​ និងត្រៀមជាប្រចាំ​ និងឲ្យបានគ្រប់គ្រាន់នូវគ្រឿងឧបភោគ​ បរិភោគ​ គ្រប់ប្រភេទ​ នៅក្នុងឃ្លាំងសម្រាប់កងកម្លាំង​។

៨.​ បំពាក់នៅមធ្យោបាយល្អៗ​ ថ្មីៗ​ ដើម្បីងាយស្រួលដល់កងកម្លាំងក្នុងការបំពេញភារកិច្ច​ និងចុះប្រតិបត្តិការការងារ។

៩.​ យកចិត្តទុកដាក់ខ្ពស់ចំពោះសុខទុក្ខមន្ត្រីក្រោមឱវាទទាំងអស់ដែលមានជំងឺ​ ជួបគ្រោះថ្នាក់ចរាចរណ៍​ និងជួបបញ្ហាផ្សេងៗ៕

 

adm

Leave a Reply

Your email address will not be published. Required fields are marked *